Gotzos di N.S. di Tergu

Testo molto antico tramandato oralmente. Eseguito l’8 settembre a Tergu durante la messa in onore della Patrona dell’Anglona.

Serenissima Aurora
De sos santos melodia :
PREGA PRO NOIS MARIA
DE TERGU NOSTRA SEGNORA.
Aurora mattutina
lughente istella de mare,
de sos anghelos Reina
de Gesùs sagradu altare,
inter omnes singulare
d’afflittos consoladora.

De Cristos Mama diciosa
ispiju giustu e lughente,
Mama, Fiza e Isposa
de Deu Omnipotente
Mama de gràtzias clemente
De tottu intercessora.

Maria sole divinu,
Maria lizu doradu,
Maria santu gìardinu,
Maria portu sagradu,
Maria vasu onoradu,
Maria perla decora.

Ave Maria esaltada,
Ave Maria gloriosa,
Ave Mraia dotada,
Ave mistica rosa,
Ave de Giusepp’isposa,
Salve nostra protettora.

Esaltada palma in Cade (s)
cipressu de Mote Sione,
de totta s’umanidade
portu de salvassione,
de s’infernale leone
ses tu triunfadora.

Ave, salvanos Maria
faghe nos haer sa gloria,
de s’inimigu vittoria
e vera nostra allegria,
Ave, salvanos Maria
de sa vida in s’ultim’ora.

Serenissima Aurora
De sos santos melodia :
PREGA PRO NOIS MARIA
DE TERGU NOSTRA SEGNORA.